සටහන – නිශ්මං රණසිංහ
මාර්තු 28, කොළඹ (LNW): සිල්හෙට් හී පැවති ශ්‍රී ලංකා බංගලාදේශ පළමු ටෙස්ට් තරගයේදී ශ්‍රී ලංකා කණ්ඩායම වෙනුවෙන් පන්දු යැවීමෙන් ඉහළම දස්කම් දැක් වූ කසුන් රාජිත ආබාධයකට ලක් වී ඇත.
මේ නිසා පළමු තරඟයේදී ලකුණු එකසිය දොළහකට කඩුලු අටක් ලබාගත් කසුන් රාජිත වෙනුවට අසිත ප්‍රනාන්දු කණ්ඩායමට කැඳවීමට ශ්‍රී ලංකා ක්‍රිකට් තේරීම් කමිටුව තීරණය කර තිබේ.
ශ්‍රී ලංකාව මෑතකදී මුහුණ දුන් ටෙස්ට් තරඟවලදී වේග පන්දු යවන්නෙක් ලෙස කැපී පෙනුණු අසිත ප්‍රනාන්දු පළමු තරඟයට ආබාධිත තත්ත්වය නිසා ක්‍රීඩා නොකළත් කසුන් රාජිතගේ ආබාධය නිසා දෙවන ටෙස්ට් තරගයට ක්‍රීඩා කරනු ඇත. ඒ අනුව චිතගොං හි ආරම්භ වන දෙවන ටෙස්ට් තරඟයේදී වේග පන්දු යවන්නකු ලෙස ශ්‍රී ලංකා කණ්ඩායමට අසිත ප්‍රනාන්දු එක්වීමට නියමිතය.
