සටහන – රෂිකා හෙන්නායක
මාර්තු 28, කොළඹ (LNW): 2024 වර්ෂයේ ශ්‍රී ලංකා පොදුජන පෙරමුණ ප්‍රථම විධායක සභා රැස්වීම, ඊයේ (27) වන දින ප. ව. 3.00 හිටපු පස්වන විධායක ජනාධිපති මහින්ද රාජපක්ෂ මහතාගේ ප්‍රධානත්වයෙන් කොළඹ 07, විජේරාම මාවත නිල පරිශ්‍රයේදී පැවැත්වුණු අතර, එය ඉතා සාර්ථකව නිමවූ බව පක්ෂය පවසයි.
එහිදී විශේෂ කරුණු කීපයක් පිළිබඳ අවධානය යොමු වී ඇති බවත් , පක්ෂ ව්‍යවස්ථාව ප්‍රකාරව පක්ෂයේ ජාතික සංවිධායක ධුරය සඳහා විධායක සභාවේ එකමතික යෝජනා ස්ථිරත්වයෙන් පාර්ලිමේන්තු මන්ත්‍රී නාමල් රාජපක්ෂ මැතිතුමාගේ නාමය සභා සම්මත වූ බවද පැවසේ.
ඊට අමතරව, ජ්‍යෙෂ්ඨ නීතිඥවරුන්ගෙන් සමන්විතව විනය කමිටුව සහ බේරුම්කාර කමිටුව මේ අවස්ථාවේදී පක්ෂයේ විධායක සභාවේ ඒකමතික යෝජනා ස්ථිරත්වයෙන් සභා සම්මත කර ගත් බවද එම පක්ෂය කියා සිටී.
