කොළඹ LNW:ඉලවාලෙයි පොලීසිය විසින් අද (27) උදෑසන අත්අඩංගුවට ගත් පාර්ලිමේන්තු මන්ත්රී රාමනාදන් අර්ච්චුනා මල්ලාකම් මහේස්ත්රාත් අධිකරණයට ඉදිරිපත් කිරීමෙන් අනතුරුව එළැඹෙන 29 වනදා දක්වා රක්ෂිත බන්ධනාගාර ගත කර තිබේ.
පසුගිය 25වනදා යාපනය, පෙරියවිලාන් ප්රදේශයේදී පාර්ලිමේන්තු මන්ත්රී රාමනාදන් අර්ච්චුනා විසින් ගිනිඅවියක් අතැතිව කාන්තාවකට තර්ජනයක් සිදු කර තිබෙන අතර ඒ ඉඩමක් සම්බන්ධයෙන් ඇති වූ ගැටුමක් හේතුවෙනි.
අදාළ ඉඩමේ අයිතිය සම්බන්ධයෙන් මහේස්ත්රාත් අධිකරණයක නඩුවක් පවතින අතර අදාළ ඉඩම තමාට අයත් බව මන්ත්රී අර්ච්චුනා පවසන අතර කාන්තාවක්ද එම ඉඩමේ අයිතිය ඉල්ලා ඇති බව සඳහන්.
ඒ අනුව පසුගිය 25වනදා මන්ත්රීවරයා අදාළ ඉඩම පිරිසිදු කිරීමේ කටයුතුවල නිරතව සිටියදී එම ස්ථානයට පැමිණි කාන්තාවන් දෙදෙනෙකු ඉඩමෙන් කොටසක් තමන්ට අයත් බව පවසමින් මන්ත්රීවරයා සමග බහින් බස්වීමක් ඇති කර ගෙන තිබේ.
එම බහින්බස්වීම දුරදිගයාම හේතුවෙන් මන්ත්රීවරයා මෙලෙස තර්ජනය කර ඇති බව සඳහන්.
