රෂිකා හෙන්නායක
ලෝක බැංකු සමූහයේ (WBG) සභාපති අජේ බංගා අද (7) ශ්රී ලංකාවට පැමිණෙන අතර, එය දශක දෙකකට ආසන්න කාලයකින් පසු ලෝක බැංකු සමූහයේ සභාපතිවරයෙකු මෙරටට කරන පළමු නිල සංචාරය ලෙස වාර්තා වෙයි.
පසුගිය 2024 වසරේ නොවැම්බර් මාසයේදී ජනාධිපති අනුර කුමාර දිසානායක මහතා පත් කිරීමෙන් ටික කලකට පසු සුබ පැතුම් ඇමතුමක් අතරතුර කළ ආරාධනයකට අනුව මෙම සංචාරය සිදු කෙරෙන බව පැවසේ.
ශ්රී ලංකාව ආර්ථික ප්රකෘතිය කරා යන ගමන දිගටම කරගෙන යන අතර, වඩාත් එය සාර්ථක කළ හැකි සහ පෞද්ගලික අංශය මෙහෙයවන ආර්ථිකයක් ගොඩනැගීම අරමුණු කරගත් බැවින්, ලෝක බැංකු සමූහයේ (WBG) සභාපති බංගා මහතාගේ සංචාරය තීරණාත්මක මොහොතක සිදු වේ.
මෙම සංචාරය අතරතුර, සභාපති Ajay Banga මහතා , ජනාධිපති අනුර දිසානායක, අගමැතිනි ආචාර්ය හරිනි අමරසූරිය සහ අනෙකුත් ජ්යෙෂ්ඨ රජයේ නිලධාරීන් මෙන්ම පෞද්ගලික අංශයේ ප්රධාන නියෝජිතයින් හමුවීමට නියමිතය.
රැකියා උත්පාදනය වැඩි දියුණු කිරීම, පෞද්ගලික ආයෝජන දිරිමත් කිරීම , දිගුකාලීන සංවර්ධනය සඳහා ඇතුළත් තිරසාර මාවතකට සහාය වීම ඔහුගේ න්යාය පත්රයේ කේන්ද්රගත වනු ඇත.
