රෂිකා හෙන්නායක මැයි 08, කොළඹ LNW :
ටෙන්ඩරයක් ප්‍රදානය කිරීම සඳහා ව්‍යාපාරිකයෙකුගෙන් රුපියල් මිලියන 3 ක අල්ලසක් ඉල්ලා සිටීමේ චෝදනාව මත කුරුණෑගල මහ නගර සභාවේ නියෝජ්‍ය නගරාධිපති , සමස්ත ලංකා මහජන කොංග්‍රසයේ සාමාජිකයෙකු අත්අඩංගුවට ගන්නා ලදී.
බත්තරමුල්ලේ හෝටලයකදී අල්ලස් හෝ දූෂණ චෝදනා විමර්ශන කොමිසම විසින් එම්. අෂාර්ඩීන් මොයිනුදීන් අත්අඩංගුවට ගත් බව නිලධාරීහු පැවසූහ.
කුරුණෑගල මහ නගර සභාවේ පාලනය ලබා ගැනීම සඳහා ජාතික ජන බලවේගයට සහාය දීමෙන් පසු මොයිනුදීන් නියෝජ්‍ය නගරාධිපති ලෙස තේරී පත් විය.
