Monday, June 27, 2022
spot_img
spot_img

Latest Posts

යුධ හමුදා ආරක්ෂාව තිබියදීත් ඥානක්කාගේ ගෙදර, දේවාලය සහ හෝටලය ගිනිබත්

රාජපක්ෂ පවුලේ ජ්‍යේතිෂ්‍ය කටයුතු භාරව සිටින ‘ඥානක්කා’ගේ අනුරාධපුර ඉසුරුපුර පිහිටි නිවස, දේවාලය සහ හෝටලය සම්පූර්ණයෙන්ම ගිනි තබා විනාශ කර ඇත.

අද අළුයම් කාලයේදී එහි කඩා වැදුණු විරෝධතාකරුවන් විසින් මෙම ගිනිතැබීම් සිදුකර තිබේ.

මෙවැනි සිද්ධියක් ඇති වේ ය යන සැකය නිසා යුධ හමුදාවේ 200 කට ආසන්න පිරිසක් ද ආරක්ෂාව සඳහා යොදවා තිබූ බව වාර්තා‌ වේ.

අද අළුයම 1 ට පමණ මුලින්ම ඥානක්කාගේ නිවසට කඩා වැදුණු අවස්ථාවේදී යුධ හමුදාව නිවස ආරක්ෂා කිරීමට පියවර ගෙන තිබිණි.

නමුත් නිවසේ බැම්ම කඩා දැමීමට ඔවුන් සමත් ව තිබේ.

පසුව නිවසට ඇතුළු වී නිවස කොල්ල කා එහි තිබූ බඩුභාණ්ඩ ප්‍රදේශවාසීන්ට බෙදා දී ඇති බව ද වාර්තා වේ. අනතුරුව නිවසට ගිනි තබා ඇත.

අනතුරුව දේවාලය සහ නවනුවර මාර්ගයේ පිහිටා ඇති හෝටලයට ඔවුන් කඩා වැද තිබේ. යුධ හමුදාව විසින් ගොඩනැගූ බවට සැලකුණු මෙම හෝටලය සම්පූර්ණයෙන්ම විනාශ කර දමා ඇත.

ආරක්ෂක අංශ, දේවාලයට හා හෝටලයට ආරක්ෂාව ලබාදීමෙන් ඉවත් වී සිටි බව ද මේ අතර වාර්තා වේ.

නිවස
හෝටලය

ඡායාරූප – වන්නි රොමේෂ් මධුසංක

Latest Posts

spot_img

Don't Miss

Stay in touch

To be updated with all the latest news, offers and special announcements.