මෙරට කෘෂිකර්මාන්තය සඳහා අත්‍යාවශ්‍ය යූරියා පොහොර මෙට්‍රික් ටොන් 65,000ක් ඉන්දියාවෙන් ගෙන්වීමට කඩිනමින් කටයුතු සූදානම් කෙරෙමින් පවතින බව වාර්තා වේ.
ඒ අනුව ඉන්දියාවේ ශ්‍රී ලංකා මහකොමසාරිස් මිලින්ද මොරගොඩ මහතා එරට පොහොර දෙපාර්තමේන්තු ලේකම්වරයා හමුවී සාකච්ඡා කර ඒ සඳහා ගිවිසුම් ද අත්සන් කර ඇති බවයි ආරංචිමාර්ග සඳහන් කළේ.
මෙරට කෘෂිකර්මාන්තයට දැඩි අහිතකර බලපෑමක් එල්ල කළ රසායනික පොහොර තහනම අවසන් කරමින් ඉතාම ඉක්මනින් ගොවීන්ට අවශ්‍ය පොහොර ලබාදීම සඳහා එම පොහොර තොග කඩිනමින් නැව්ගත කිරීමට කටයුතු කෙරෙනු ඇති බවත් වාර්තා විය.
RN
