අත්යාවශ්ය ආහාර ද්රව්ය හා භාණ්ඩ හිඟයකින් තොරව සැපයීම හා ජන ජීවිතය පවත්වාගෙන යෑමට අවශ්ය සහන සැලසීම සම්බන්ධයෙන් පියවර ගැනීම සඳහා අග්රාමාත්ය රනිල් වික්රමසිංහ මහතා විසින් පංච පුද්ගල විශේෂ කමිටුවක් පත් කර තිබේ.
ඒ අනුව අත්යාවශ්ය ආහාර ද්රව්ය හා භාණ්ඩ හිඟයකින් තොරව සැපයීම සම්බන්ධයෙන් කටයුතු කිරීම සඳහා එක්සත් ජාතික පක්ෂ සභාපති වජිර අබේවර්ධන සහ එම පක්ෂයේ මහලේකම් පාලිත රංගේ බණ්ඩාර යන මහත්වරුන් පත්කර ඇත.
ඛනිජ තෙල් සැපයීම සම්බන්ධයෙන් කටයුතු කිරීම සඳහා පත්කර ඇත්තේ සාගල රත්නායක මහතා ය.
ඖෂධ සැපයීම සම්බන්ධයෙන් කටයුතු කිරීම සඳහා රුවන් විජේවර්ධන මහතාව පත්කර ඇති අතර පොහොර සැපයීම සම්බන්ධව කටයුතු කිරීම සඳහා අකිල විරාජ් කාරියවසම් මහතාව පත් කර ඇත.
RN
