ශ්‍රී ලංකාවේ පවතින ආර්ථික අර්බුදය හේතුවෙන් අවදානම් කාණ්ඩයේ සිටින දරුවන්ට හා ගොවියන්ට ආහාර අවශ්‍යතාව සපුරාලීම වෙනුවෙන් නවසීලන්තය ඩොලර් ලක්ෂ පහක මූල්‍යාධාරයක් ලබාදීමට තීරණය කර තිබේ.
ට්විටර් පණිවිඩයක් නිකුත් කරමින් එරට විදේශ කටයුතු අමාත්‍ය නනයිනා මහුටා පවසන්නේ එම මූල්‍ය ආධාරය ලෝක ආහාර වැඩසටහන හා එක්සත් ජාතින්ගේ ආහාර සහ කෘෂිකර්ම සංවිධානය හරහා මෙරටට ලබා දෙන බවයි.
මේ අතර නවසීලන්තය සහ ශ්‍රී ලංකාව අතර වසර 30කට අධික කාලයක් පවතින ද්විපාර්ශ්වික සහයෝගීතාව ගැන සනහන් කරමින් එරට විදේශ කටයුතු අමාත්‍යවරිය තවදුරටත් සඳහන් කරන්නේ මෙම සම්පූර්ණ කාලය තුළ එරටින් මෙරටට ඩොලර් මිලියන 25.7ක සංවර්ධන ආධාර ලබා දී ඇති බවයි.
පවතින දේශපාලන අර්බුදය විසඳා ගැනීම වෙනුවෙන් නව අගමැතිවරයා ලෙස රනිල් වික්‍රමසිංහ මහතා පත්කිරීමෙන් අනතුරුව ශ්‍රී ලංකාව කෙරෙහි ජාත්‍යන්තර ප්‍රජාවේ අවධානය වැඩි වී ඇති බව පෙනෙන්නට තිබේ.
ASK
