ශ්රී ලංකන් ගුවන් සමාගම ප්රතිව්යුහගත කිරීම තවදුරටත් ප්රමාද වන ලකුණු පහළව ඇති බව වාර්තා වේ.
මෙම සමාගම ප්රතිව්යුහගත කිරීම සඳහා උපදෙස් ලබාදීම ලසාඩ් ජාත්යන්තර උපදේශක ආයතනයට පවරා ඇතත් ඒ සම්බන්ධයෙන් ඔවුන්ගේ වාර්තාව තවමත් ලැබී නොමැති බවයි වරාය, නාවික හා ගුවන් සේවා අමාත්ය නිමල් සිරිපාල ද සිල්වා මහතා සඳහන් කරන්නේ.
ශ්රී ලංකන් ගුවන් සමාගම, ශ්රී ලංකන් කේටරින් සමාගම සහ භූමි මෙහෙයුම් එකම ආයෝජකයකුට ලබාදෙනවාද, වෙන වෙනම ලබාදෙනවාද යන්න පිළිබඳ මෙතෙක් පැහැදිලි තීරණයකට පැමිණ නොමැති බවත් ඒ සම්බන්ධයෙන් දිගින් දිගටම සාකච්ඡා පවත්වන බවත් අමාත්යවරයා ප්රකාශ කර ඇත.
ශ්රී ලංකන් ගුවන් සමාගම යනු මෙරට රාජ්ය ආයතන අතරින් වැඩියෙන්ම පාඩු ලබන ආයතනයයි.
RN
