පොන්නියින් සෙල්වන් චිත්‍රපටයේ නිෂ්පාදකයින් වන LYCA නිෂ්පාදන සමාගම් චෙන්නායි කාර්යාලයේ පරිශ්‍රයේ වැටලීමක් සිදු කළ බවට වාර්තා වෙයි.
මෙම වැටලීම සිදුකර තිබෙන්නේ ඉන්දියාවේ Enforcement Directorate (ED) ආයතනය විසිනි.
T Nagar, Adyar සහ Karapakkam ඇතුළු ස්ථාන අටක මේ පිළිබඳ සෝදිසි කිරීම් මේ වනවිට සිදු කෙරේ.
ලැබුණු තොරතුරු වලට අනුව අදාල අධ්‍යක්ෂක මණ්ඩලය වැටලීම සිදු කර ඇත්තේ LYCA ජංගම දුරකථන ඇතුළු සන්නාම කිහිපයකට හිමිකම් කියන LYCA සමාගමට එරෙහිව මුදල් විශුද්ධිකරණ චෝදනාවක් සහ බදු පැහැර හැරීමේ චෝදනාවක් සම්බන්ධව බව පැවසේ.
Enforcement Directorate (ED) යනු ආර්ථික නීති බලාත්මක කිරීම සහ ආර්ථික අපරාධවලට එරෙහිව ක්‍රියාමාර්ග ගැනීම සඳහා වගකියන ඉන්දීය රජය සතු නීතිය ක්‍රියාත්මක කිරීමේ ආයතනයකි.
Lyca Production යනු ශ්‍රී ලංකාවේ Lanka Hospitals සහ Sri Lanka Telecom මිලදී ගැනීමට සැලසුම් කර ඇති සමාගම වන අතර, එය ස්වර්ණවාහිනී හිමි EAP සමූහයේ වර්තමාන හිමිකාරීත්වය දරන අනුබද්ධිත ආයතනයකි.
සටහන – නිපුනි ලියනගේ
