සටහන – රෂිකා හෙන්නායක
මැයි 18, කොළඹ (LNW): ජාත්යන්තර මූල්ය අරමුදල (IMF) විසින් ශ්රී ලංකාව මෙතෙක් ලබා තිබෙන ආර්ථික ප්රගතිය අගය කිරීමකට ලක්කොට තිබෙන බව පැවසේ.
එහිදී සඳහන් වන්නේ, මෙම සතියේ ආර්ථික ප්රතිසංස්කරණ ක්රියාත්මක කිරීමේදී ශ්රී ලංකාව ලබා තිබෙන ප්රගතිය පැසසුමට ලක්කර ඇති බවයි.
IMF සන්නිවේදන අධ්යක්ෂ ජූලි කොසැක්, විසින් රටේ ප්රශංසනීය සාර්ව ආර්ථික ප්රතිපත්ති පිළිබඳව අවධානය යොමු කරමින් මේ පිළිබඳව කරුණු දක්වා ඇත.
එහිදී වේගවත් උද්ධමනය අඩුවීම සහ ස්ථාවර ආර්ථික වර්ධනයක් ඉස්මතු කරවීම පිළිබඳව අවධානය යොමුකළ බව සඳහන් වේ.
තවද ශ්රී ලංකාව පුද්ගලික සහ නිල ණය හිමියන් සමඟ ණය ප්රතිව්යුහගත කිරීම අවසන් කිරීමට අපේක්ෂා කරන බවද එහිදී IMF සන්නිවේදන අධ්යක්ෂවරිය ප්රකාශ කර තිබෙන බව සඳහන් වේ.
අර්බුදයෙන් පසු බලාපොරොත්තු වූවාට වඩා වේගවත් ආර්ථික ප්රකෘතියක් සඳහා මග පාදමින් දේශීය ණය මෙහෙයුම් බොහෝ දුරට සම්පූර්ණ කර ඇති බවද IMF සන්නිවේදන අධ්යක්ෂ ජූලි කොසැක් විසින් ප්රකාශ කර තිබෙන බව වැඩිදුරටත් තොරතුරු වාර්තා වේ.
