ප්‍රවීණ රංගන ශිල්පී කමල් අද්දරආරච්චි මහතා එක්සත් ජාතික පක්ෂයෙන් මහමැතිවරණයට තරඟ කිරීමට සුදානම්ව සිටි බව ඔහු හෙළිකර ඇත.
2015 වසරේ යහපාලන ආණ්ඩුව බිහි වීමෙන් පසු ඔහුට රටට වැඩක් කිරීම සඳහා මහජන නියෝජිතයෙකු ලෙස පත් ජනතා ඡන්දයෙන් පත්වීමේ කැමැත්තක් ඇති වූ බවත් ඒ අනුව ඒ සඳහා එක්සත් ජාතික පක්ෂයෙන් අපේක්ෂකයෙකු ලෙස තරඟ කිරීමට තමන් සුදානම් වූ බවත් කමල් අද්දරආරච්චි මහතා සඳහන් කර තිබෙන්නේ අන්තර්ජාල නාලිකාවක් සමඟ සාකච්ඡාවකට එක් වෙමිනි.
කෙසේ වෙතත් ඒ සඳහා දිස්ත්‍රික්කයක් තෝරා ගැනීමේදී වූ ගැටළු පිළිබඳව සාකච්ඡාවේදී කරුණු හෙළි කර තිබෙන අතර, අවසානයේ පාඨලි චම්පික, රාජිත සේනාරත්න ඇතුළු පිරිසක් එක්සත් ජාතික පක්ෂයේ සාමාජිකත්වය ලබා ගැනීමට පැමිණීමත් සමඟ ඔවුන්ට අපේක්ෂකත්වය ලබාදීමට සිදුවීමෙන් තමන්ට ඇති වූ අවස්ථාව අහිමි වී ගිය බවද අද්දරආරච්චි මහතා මෙහිදී සඳහන් කර ඇත.
කෙසේ වෙතත් එම අවස්ථාවේ තමන්ට කණගාටුවක් ඇති වූ ද මැතිවරණය අවසන් වී මාස කිහිපයක් ගතවන විට මහ බැංකු බැඳුම්කර සිද්ධිය ඇතුළු සිද්ධීන් කිහිපයක් සම්බන්ධයෙන් යහපාලන ආණ්ඩුවට චෝදනා එල්ල වන විට තමන්ට අපේක්ෂකත්වය අහිමිවීම සම්බන්ධයෙන් සතුටක් ඇති වූ බවද කමල් අද්දරආරච්චි මහතා මෙම සංවාදයේදී ප්දවසා ඇත.
