මුල්ලිවයික්කාලේ කන්ජි ….

ලුණුත් අහිමි සහලුත් නැති දකුණු හද
ගහපු ගැහිලි සමරනකොට සතුට මැද
සිංහ කෙසර වල් බිහිවුණු සිහින බිඳ
මුල්ලිවයික්කාලේ කැළතේ ය කැඳ

කලපු වතුර උණු කළ හැටි කවුරු දනී
ඊට ඇවැසි ගින්දර දර අඩු නොවුනී
බීපු කන්ජි හන්දම පණ පොද රැකුණී
එහෙම මතක අතෑරලන්න ද ඉතිනී

ගලපු රුහිරු අමතක වන්නෙද කෝමා
හළපු කඳුළු අමතක වන්නෙද කෝමා
හෙළපු සුසුම් අමතක වන්නේද කෝමා
විඳපු කන්ජි අමතකද වන්නෙද කෝමා

ලිපේ පැහෙන කැඳ භාජන රස වේවා
ඉරේ එළිය මෙන් මතකය ඇවිලේවා
පව්කාරයින් රැස් මාලා දුරුවේවා
ගව්වෙන් ගව්ව කැඳ භාජන සිහිවේවා

මාලිමාව බුදු වෙනවා ලකුණු දැනේ
නෑර කැටුව ගිය සොක්කන්‍ ය සිහසුනේ
බාවනාවේ රැඳී නිදි සුව බිඳින තැනේ
මාලිගාවෙ කැඳ සිහිවෙද සුවාමිනේ

~ මංජුල වෙඩිවර්ධන
2025 මැයි 18

Share post:

spot_imgspot_img

Popular

More like this
Related

මේ වසරේ මෙතෙක් සංචාරක පැමිණීම් ලක්ෂ 20 ඉක්මවයි

සටහන - රුවන් නෙළුගොල්ල 2026 වසරේ මෙතෙක් මෙරටට පැමිණි සංචාරකයින්...

හේලීස් සමූහය හරහා NURA ළඟදීම ශ්‍රී ලංකාවට!

රෝගී තත්ත්ව කල්තබා හඳුනාගැනීම සඳහා නව ප්‍රවේශයක් AI තාක්ෂණයෙන් බලගැන්වුණු...

උද්ධමනය ගැන මහ බැංකුවෙන් රතු එළි!

රෂිකා හෙන්නායක නොවැම්බර් 20, කොළඹ LNW: ශ්‍රී ලාංකිකයින්ට කලින් අපේක්ෂා...

ප්‍රතිසංස්කරණයෙන් පසු දළදා මාලිගාවේ සුප්‍රසිද්ධ රන් වියන යළිත් බැබළෙයි!

රෂිකා හෙන්නායක නොවැම්බර් 20, කොළඹ LNW: ශ්‍රී ලංකාවේ අතිපූජනීය බෞද්ධ...