කොළඹ LNW:රටේ ආණ්ඩුක්‍රම ව්‍යවස්ථාවට අනුව මුලින් ජනාධිපතිවරණය පවත්වන බව ජනාධිපති රනිල් වික්‍රමසිංහ මහතා ඉතා පැහැදිලිව ප්‍රකාශ කර තිබෙන බව ජනාධිපති වෘත්තීය සමිති කටයුතු පිළිබඳ අධ්‍යක්ෂ ජනරාල් සමන් රත්නප්‍රිය මහතා පවසයි.
මුලින් පැවැත්වෙන්නේ මහ මැතිවරණය බවත් රනිල් වික්‍රමසිංහ මහතා ජනාධිපතිවරණයට තරඟ නොකරන බවත් උදයංග වීරතුංග,ඩිලාන් පෙරේරා වැනි අය කර තිබෙන ප්‍රකාශ එකපැත්තකින් අවලාද බවත් තවත් පැත්තකින් උපක්‍රම බවත් තවත් අතකින් තම තමන්ගේ දේශපාලන න්‍යාය පත්‍ර මුදුන්පත් කර ගැනීමට සිදුකරන ප්‍රකාශ බවටත් රත්නප්‍රිය මහතා සඳහන් කරයි.
පාර්ලිමේන්තුව විසුරුවා මහ මැතිවරණයකට යාමේ හැකියාව ජනාධිපතිවරයාට ඇතත් මේ මොහොත වන විට රට සූදානම් වන්නේ ජනාධිපතිවරණයකට වන අතර ජනාධිපතිවරයා සූදානම් වන්නේත් ජනාධිපතිවරණයකට බවයි හෙතෙම අවධාරණය කරයි.
ආශිකා බ්‍රාහ්මණ
