රත්මලාන ගුවන් හමුදා කදවුරු රග්බි පිටියේ දී මැයි මස 09 වන දින සිට 16 දින දක්වා පැවති ආරක්ෂක සේවා රග්බි තරගාවලියේ දී, යුද හා නාවික හමුදා රග්බි කණ්ඩායම් පරාජය කරමින් 2023 වසරේ ආරක්ෂක සේවා රග්බි සූරතාවය දිනා ගැනීමට ශ්‍රි ලංකා ගුවන් හමුදා රග්බි කණ්ඩායම සමත් විය.
ගුවන් හමුදා රග්බි කණ්ඩායම හා යුද හමුදා රග්බි කණ්ඩායම අතර තරගයේ දි ලකුණු 15-13ක් ලෙස ද, නාවික හමුදාව සහ ගුවන් හමුදාව සමග පැවති තරගයේදි ලකුණු 23-13ක් ලෙස ද ජයග්‍රහණය සහතික කර ගන්නට ශ්‍රී ලංකා ගුවන් හමුදා කණ්ඩායම සමත් විය.
තරගාවලියේ ත්‍යාග ප්‍රදානෝත්සවය 2023 මැයි 23 වන දින නාවික පාබල ආඥාපති රියර් අද්මිරාල් පිඒඑන්එල් පොන්නම්පෙරුම මහතාගේ ප්‍රධානත්වයෙන් පැවැත්වූ අතර එහිදි දක්ෂතම ක්‍රීඩකයාට හිමි කුසලානය ශ්‍රි ලංකා ගුවන් හමුදාවේ නායක ගුවන් භට ගයන්ත ඉද්දමල්ගොඩ විසින් හිමි කරගන්නා ලදි.
සටහන – නිශ්මං රණසිංහ
