රෂිකා හෙන්නායක මැයි 28,ලෝකය (අවුට්බවුන්ඩ් ටුඩේ):
ඊශ්‍රායලය සහ හිස්බුල්ලා සංවිධානය අතර ඇති කරගත් වැඩිදියුණු කළ සටන් විරාමය බිඳවැටීමෙන් පසු දකුණු ලෙබනනයේ සහ බීරූට් නුවර තුළ ඇති වී තිබෙන දරුණු යුදමය තත්ත්වය පිළීබඳව විදෙස් මාධ්‍ය වාර්තා කරයි.
ඊශ්‍රායල හමුදාව විසින් එල්ල කරන ලද මාරාන්තික ගුවන් ප්‍රහාර හේතුවෙන් සාමාන්‍ය වැසියන් රැසක් මියගොස් ඇති අතර, ටයර් නගරය ඇතුළු ප්‍රදේශ රැසක විශාල දේපළ හානියක් සිදුව ඇත.
දෙපාර්ශ්වයම සටන් විරාම ගිවිසුම් උල්ලංඝනය කළ බවට එකිනෙකාට චෝදනා කරන අතර, ලෙබනන වැසියන්ට උතුරු දෙසට ඉවත් වන ලෙස ඊශ්‍රායලය නියෝග කර තිබේ.
මෙම හදිසි ඉවත් කිරීම් හේතුවෙන් දකුණු ලෙබනනයේ දහස් සංඛ්‍යාත ජනතාවක් අවතැන් වී ඇති අතර, සහන කඳවුරු පිරී යාම නිසා දැඩි මානුෂීය අර්බුදයක් මතුවෙමින් පවතී.
කලාපීය සාමය සඳහා වන සාකච්ඡා බිඳවැටීමේ අවදානමක් ඇති කරමින්, ඊශ්‍රායලය සිය භූමිය මෙහෙයුම් තවදුරටත් පුළුල් කිරීමට තීරණය කර ඇති බව මෙහි සඳහන් වේ.
මෙම තත්ත්වය ලෙබනනය තුළ පෙර නොවූ විරූ මට්ටමේ අස්ථාවරත්වයක් සහ බියක් ජනනය කිරීමට හේතු වී ඇත.
