කොළඹ LNW:විවාදය සම්බන්ධයෙන් ජාතික ජන බලවේගය දරන ස්ථාවරය අනුව ඔවුන් වේදිකාවල පුරසාරම් කියෙව්වද ඔවුන්ට ප්රතිපත්තියක් නොමැති බවට දැන් තහවුරු වී තිබෙන බව සමඟි ජන බලවේගයේ පාර්ලිමේන්තු මන්ත්රී තිස්ස අත්තනායක මහතා පවසයි.
ජාතික ජන බලවේගයට විවාදය සඳහා ආරාධනා කළේ ඔවුන් වේදිකාවල පවසන විවිධ කතා නිරීක්ෂණය කිරීමෙන් පසුව බවයි අත්තනායක මහතා සඳහන් කරන්නේ.
විවාද දෙක සඳහාම සමඟි ජන බලවේගය දින දී ඇති පසුබිමක ජාතික ජන බලවේගය ඉන් පැන යන්නේ ඇයිද යන්න තමන් විමසා සිටින බවද මන්ත්රීවරයා ප්රකාශ කරයි.
ඒ අනුව ජාතික ජන බලවේගයේ හැසිරීමෙන් ඔවුන්ට වැඩපිළිවෙලක් හෝ ප්රතිපත්තියක් නොමැති බව පැහැදිලි වන බවයි මන්ත්රීවරයා වැඩිදුරටත් සඳහන් කරන්නේ.
ආශිකා බ්රාහ්මණ
