සිටින තැනකින් සොයා දුමින්ද සිල්වා මහතා වහාම අත්අඩංගුවට ගන්නා ලෙස ජනාධිපති ගෝඨාභය රාජපක්ෂ මහතා අපරාධ පරීක්ෂණ දෙපාර්තමේන්තුව වෙත උපදෙස් ලබා දී තිබෙනවා.
ජීවිතාන්තය දක්වා සිරදඬුවම් නියමව සිටි දුමින්ද සිල්වා මහතා ජනාධිපති සමාව යටතේ නිදහස ලැබූ අතර ඊට එරෙහිව හිරුණිකා ප්‍රේමචන්ද්‍ර මහත්මිය ඇතුළු පිරිසක් ශ්‍රේෂ්ඨාධිකරණය හමුවේ පෙත්සමක් ගොනුකර තිබිණි.
අදාල පෙත්සම සලකා බැලූ ශ්‍රේෂ්ඨාධිකරණය පෙත්සම විභාගයට ගෙන අවසන් වනතෙක්, ජනාධිපති සමාව යටතේ දුමින්ද සිල්වා මහතා නිදහස් කිරීමට ගත් තීරණයට අත්හිටුවීමට තීරණය කළේය. ඔහු වහාම අත්අඩංගුවට ගන්නා ලෙසටද නියෝග කර තිබිණි.
මේ අතර නීතිපතිවරයාද ලිපියක් මාර්ගයෙන් පොලිස්පතිවරයාට නියෝග කර තිබෙන්නේ අධිකරණ නියෝගයට අනුව වහාම දුමින්ද සිල්වා මහතා අත්අඩංගුවට ගන්නා ලෙසයි.
දුමින්ද සිල්වා මහතා මේ වනවිට දිවයිනේ නොසිටින අතර පසුගිය දිනවලදී මාධ්‍ය වාර්තා කළේ ඔහු විදෙස්ගත වූ බවයි.
UN
