ආහාර හිඟයට සහ ගොවියන්ගේ ප්රශ්නයට 100%ක් වගකිව යුතු වන්නේ ජනාධිපතිවරයා බව පාර්ලිමේන්තු මන්ත්රී දුමින්ද දිසානායක මහතා පැවසුවේය.
මන්ත්රීවරයා මේ බව සඳහන් කළේ අද (02) විජයදාස රාජපක්ෂ අමාත්යවරයාගේ මූලිකත්වයෙන් 21 වෙනි ආණ්ඩුක්රම ව්යවස්ථා සංශෝධනය ගැන දැනුවත් කිරීමේ රැස්වීමෙන් අනතුරුව මාධ්ය වෙත අදහස් දක්වමිනි.
එවැනි තත්ත්වයක් ඇති වූයේ ජනාධිපතිවරයා තනිව ගත් තීන්දු තීරණ නිසා බවයි දිසානායක මහතා කියා සිටියේ.
විශේෂයෙන් පොහොර ප්රශ්නය ගැන සෙසු ඇමතිවරු සහ නිලධාරීන් කොතෙක් කීවද අවසානයේ තීන්දුව ගත්තේ ජනාධිපතිවරයා බව හෙතෙම සඳහන් කරන ලදී.
එදා ඔහුව ආරක්ෂා කිරීමට කටයුතු කළද අද ඇමතිවරු මෙන්ම නිලධාරීන්ද පවසන්නේ පොහොර සම්බන්ධයෙන් ගත් තීරණයේ බරපතලකම පෙන්වා දුන්නද එය නොඇසූ බව යැයිද මන්ත්රීවරයා කියා සිටියේය.
දැන් කළ යුතු වන්නේ ආර්ථික ප්රශ්නය කැබිනට් මණ්ඩලයට භාර දී දේශපාලන ප්රශ්නය පාර්ලිමේන්තුව විසින් විසඳා ගත යුතුව ඇති බවයි දුමින්ද දිසානායක මහතා තවදුරටත් ප්රකාශ කළේ.
ASK