රෂිකා හෙන්නායක ජුනි 02, කොළඹ LNW :
හොංකොං හි පැවති 22 වැනි ආසියානු කනිෂ්ඨ මලල ක්‍රීඩා තරගාවලියට සහභාගී වූ ශ්‍රී ලංකා කණ්ඩායම කැපී පෙනෙන ජයග්‍රහණ රැසක් අත්කර ගනිමින් නැවත දිවයිනට පැමිණ ඇත.
මෙම තරගාවලියේදී මෙරට ක්‍රීඩක ක්‍රීඩිකාවන් රන් පදක්කම් දෙකක්, රිදී පදක්කම් දෙකක් සහ ලෝකඩ පදක්කම් හතරක් දිනා ගැනීමට සමත් වූ අතර, එහි ප්‍රතිඵලයක් ලෙස පදක්කම් සටහනේ අටවැනි ස්ථානය හිමිකර ගැනීමට ශ්‍රී ලංකාවට හැකි විය.
විශේෂයෙන්ම මීටර් 1500 ඉසව්වෙන් තරුෂි අභිෂේකා සහ මීටර් 200 ඉසව්වෙන් රන්සිනි පෙරේරා රන් පදක්කම් දිනා ගනිමින් මෙරට නාමය ජාත්‍යන්තරය හමුවේ බැබළවූහ.
මීට අමතරව උස පැනීම සහ කෙටි දුර ධාවන ඉසව්වලින් ද දක්ෂතා දැක්වූ ක්‍රීඩක ක්‍රීඩිකාවන් කිහිප දෙනෙකුම රිදී සහ ලෝකඩ පදක්කම් දිනා ගනිමින් මව්බිමට ගෞරවයක් එක් කළහ.
වසර ගණනාවකට පසු ලැබූ මෙම සුවිශේෂී ජයග්‍රහණ ලාංකීය මලල ක්‍රීඩා ක්ෂේත්‍රයේ නව පිබිදීමක් සනිටුහන් කරයි.
