රෂිකා හෙන්නායක ජුනි 03, කොළඹ LNW :
හොරණ මහජන බැංකු ශාඛාවක සිදු වූ රුපියල් කෝටි 3.5ක දැවැන්ත මුදල් කොල්ලයක් පිළිබඳව වාර්තාව් වේ.
ATM යන්ත්‍ර වෙත පිරවීමට සූදානම් කර තිබූ මුදල් පාර්සල් දෙකක් බැංකු නිලධාරියෙකු රැගෙන යද්දී කිසියම් පුද්ගලයෙකු විසින් පැහැරගෙන ඇත.
මෙම මංකොල්ලය බැංකුවේ පිටුපස දොරටුව අසලදී සිදුව ඇති අතර සැකකරු වහාම එම ස්ථානයෙන් පළා ගොස් තිබේ. සිද්ධිය සම්බන්ධයෙන් හොරණ පොලිසිය විසින් මේ වන විටත් පුළුල් විමර්ශන ආරම්භ කර ඇති නමුත් සැකකරු පිළිබඳ නිශ්චිත තොරතුරක් මෙතෙක් අනාවරණය වී නැත. බැංකු පද්ධතියේ ආරක්ෂාව පිළිබඳ දැඩි අවධානයක් යොමු කරවන මෙම පුවත ප්‍රදේශය තුළ මහත් ආන්දෝලනයක් ඇති කර තිබේ.
