දේශපාලන පිල් මාරු ගැන මේ දවස්වල ගොඩක් කතාබහ වෙනවානෙ. මේ කතාව පිල් මාරු කරපු කෙනෙක් ගැන.
වමේ පක්ෂයක් නියෝජනය කරමින් පොහොට්ටුවට එකතුවෙලා මොනරු ඉන්න ගලක් පැත්තෙන් පාර්ලිමේන්තු ආපු මේ මන්ත්‍රීවරයා කම්කරුවන්ගේ දවසෙම අලි පාටියට මාරු වුණා.
හැබැයි එහෙම මාරු වුණේ නිකම්ම නෙවෙයි ලු. එතුමාට ගොඩක් තාන්න මාන්න වරප්‍රසාද දෙන්නම් කියලා පොරොන්දු පිටලු ගෙන්නා ගත්තේ.
හැබැයි තාම ඒ කියපු මොකුත්ම ලැබිලා නැතිලු.
වැඩේ කියන්නේ මේ පැනිල්ලට කපුකම කරපු කැබිනට් ලෙවල් එක්කෙනා දැන් මෙතුමාගෙ ටෙලිෆෝන් කෝල් එකකටවත් උත්තර දෙන්නෙත් නැතිලු.
ඉතින් අර පැනපු මන්ත්‍රීතුමා මේ දවස්වල බොහෝම දුකෙන් කළකිරීමෙන් ඉන්නවා ලු. තමුන්ට වුණේ අල්ලපු අත්තයි පය ගහපු අත්තයි දෙකම නැතිවුණු සීන් එකක්ය කියලා යාළුවන්ට කියනවා ලු ….
RN
