ඊයේ (06) පස්වරුවේ මෝදර, රෙඩ්බානාවත්ත ප්‍රදේශයේදී වෙඩිතැබීමක් සිදුව ඇති අතර එයින් එක් පුද්ගලයෙකු මියගොස් තිබේ.
ත්‍රීරෝද රථයකින් පැමිණි නාඳුනන පුද්ගලයින් දෙදෙනෙකු විසින් මෙම වෙඩිතැබීම සිදුකර ඇති අතර කොළඹ, අලුත් මාවත ප්‍රදේශයේ පදිංචි 24 හැවිරිදි තරුණයෙකු එයින් මියගොස් ඇති බව සඳහන්.
ඝාතනයට හේතුව මෙතෙක් නිශ්චිතව අනාවරණය වී නොමැති අතර එය මත්ද්‍රව්‍ය ජාවාරම් හෝ වෙනත් හේතුවක් මත ඇතිවූ පුද්ගලික ආරවුලක් වියහැකි බවටයි පොලිසිය සැක කරන්නේ.
ඒ අනුව පසුගිය දින 4 තුළ සිදුවූ වෙඩිතබා ඝාතනය කිරීමේ අපරාධ ගණන 5ක් දක්වා ඉහළ ගොස් ඇත.
RN
