රෂිකා හෙන්නායක ජුනි 07 ,ලෝකය (අවුට්බවුන්ඩ් ටුඩේ):
ඇමරිකා එක්සත් ජනපදයේ ඔහියෝ ප්රාන්තයේ ටොලිඩෝ හි පැවැති උත්සවයක් අතරතුර සිදුවූ වෙඩි තැබීමක් පිළිබඳව විදෙස් මාධ්ය වාර්තා කරයි.
පුද්ගලයන් දෙදෙනෙකු අතර ඇති වූ ගැටුමක් හේතුවෙන් සිදුවූ මෙම ප්රහාරයෙන් අවම වශයෙන් පුද්ගලයින් 12 දෙනෙකු තුවාල ලබා ඇති අතර ඔවුන් වයස අවුරුදු 16 ත් 61 ත් අතර පසුවන්නන් වේ.
ප්රාදේශීය බලධාරීන් පවසන පරිදි තුවාල ලැබූවන්ගෙන් දෙදෙනෙකුගේ තත්ත්වය බරපතල වන නමුත් අනෙක් පිරිස සාමාන්ය තත්ත්වයේ පසුවේ.
ප්රහාරය එල්ල කළ සැකකරුවන් සොයා මේ වන විට පොලිස් පරීක්ෂණ ක්රියාත්මක වෙමින් පවතින බව වාර්තා වේ.
ප්රාන්ත ආණ්ඩුකාරවරයා ඇතුළු බලධාරීන් මෙම ප්රචණ්ඩ ක්රියාව හෙළා දකිමින් පීඩාවට පත් වූවන් වෙනුවෙන් සිය කණගාටුව ප්රකාශ කර ඇත.
පවුල් වෙනුවෙන් සංවිධානය කරන ලද මෙවැනි උත්සවයකදී සිදුවූ මෙම ඛේදවාචකය ප්රජාව දැඩි කම්පනයට පත් කිරීමට හේතු වී තිබේ.
