පසුගිය මැයි 09 වනදා ගාලු මුවදොර සහ අරලිය ගහ මන්දිරය ඉදිරිපිට සාමකාමී විරෝධතාකරුවන්ට පහරදීමේ සිද්ධියට සම්බන්ධ සියලු සැකකරුවන් අත්අඩංගුවට ගන්නා ලෙස බලකරමින් පොලිස් මූලස්ථානය ඉදිරිපිට පැවැත්වෙන විරෝධතාවයට පොලීසිය ජල සහ කඳුලු ගෑස් ප්‍රහාරයක් එල්ල කර තිබේ.
එම ප්‍රහාරයට අදට මාසයක කාලයක් ගතව ඇති අතර ප්‍රහාරයට සම්බන්ධ ඇතැම් පිරිස් තවමත් නිදැල්ලේ සිටින බවටයි උද්ඝෝෂකයින් චෝදනා කරන්නේ.
එම විරෝධතාව කොටුව දුම්රිය පොළ ඉදිරිපිටින් ආරම්භ වූ අතර පසුව පොලිස් මූලස්ථානය ඉදිරිපිටට පැමිණ තිබුණි.
මෙහි ප්‍රධාන සැකකරුවෙක් ලෙස නම් කර සිටින හිටපු අමාත්‍ය ජොන්ස්ටන් ප්‍රනාන්දු මහතාවද මාසයක කාලයක් ගතවන තුරුත් අත්අඩංගුවට ගැනීමට නොහැකි වූ අතර අද අභියාචනාධිකරණය විසින් ලබා දුන් නියෝගයට අනුව ඔහු කොටුව මහේස්ත්‍රාත් අධිකරණයට භාර වී තිබුණි.
ASK
