සටහන – පුලී
ජූනි 12, ලෝකය (අවුට්බවුන්ඩ් ටුඩේ): එයාර් ඉන්දියා ගුවන් යානයක් ගුවන් ගත වී මිනිත්තු කිහිපයකට පසු අනතුරට ලක්වීමේ සිද්ධිය සම්බන්ධයෙන් මේ වනවිට අවම වශයෙන් පුද්ගලයින් 30 දෙනෙකු පමණ මිය ගොස් ඇති අතර, මියගිය සංඛ්‍යාව තවදුරටත් ඉහළ යනු ඇතැයි අපේක්ෂා කරන බව බලධාරීන් පැවසීය.
බ්‍රිතාන්‍ය අගනුවරට දකුණින් පිහිටි ගැට්වික් ගුවන්තොටුපළ වෙත ගුවන් යානය ගමන් කරමින් සිටි බව එයාර් ඉන්දියා පැවසූ අතර, පොලිස් නිලධාරීන් පැවසුවේ එය ගුවන්තොටුපළ අසල නේවාසික ප්‍රදේශයකට කඩා වැටුණු බවයි.
ගුවන් යානය ඉන්දීය රජයේ B.J. වෛද්‍ය විද්‍යාල නේවාසිකාගාරයේ භෝජනාගාරය මතට කඩා වැටී වෛද්‍ය සිසුන් බොහෝ දෙනෙකු ද මිය ගිය බව විදෙස් මාධ්‍ය වාර්තා කරයි.
ගලවා ගැනීමේ නිලධාරීන් පැවසුවේ මේ වනවිට මළ සිරුරු 30 සිට 35 දක්වා එම ස්ථානයෙන් සොයා ගෙන ඇති බවත් තවත් පුද්ගලයින් සිරවී සිටින බවත්ය.
