රෂිකා හෙන්නායක ජුනි 12,ලෝකය (අවුට්බවුන්ඩ් ටුඩේ):
හිටපු දකුණු කොරියානු ජනාධිපති යුන් සුක් යෙයෝල්ට එරෙහිව එල්ල වූ බරපතල චෝදනා සහ ඔහුට නියම වූ සිර දඬුවම් පිළිබඳව විදෙස් මාධ්‍ය වාර්තා කරයි.
2024 වසරේදී අසාර්ථක යුද නීතියක් ප්‍රකාශයට පත් කිරීමට උත්සාහ කිරීම සහ උතුරු කොරියාවට ඩ්‍රෝන යානා යැවීම සම්බන්ධයෙන් ඔහු වැරදිකරු වී ඇත.
රාජ්‍ය බලය අවභාවිත කිරීම සහ සතුරාට උපකාර කිරීම යන කරුණු මත අධිකරණය ඔහුට වසර 30 ක සිර දඬුවමක් නියම කළේය.
මීට පෙර කැරලි ගැසීමේ චෝදනාවට ඔහුට ජීවිතාන්තය දක්වා සිර දඬුවම් නියම වී තිබූ අතර, ඔහු දැනටමත් පසුවන්නේ බන්ධනාගාරගතවයි.
මෙම දේශපාලන අර්බුදය හේතුවෙන් ඔහු සිය ධුරයෙන් දෝෂාභියෝගයකින් ඉවත් කර ඇති අතර, රටේ ආර්ථිකයට හා ස්ථාවරත්වයට ඉන් දැඩි බලපෑමක් එල්ල විය.
තමා නිවැරදිකරු බව පවසන යුන් සුක් යෙයෝල්ට මෙම තීන්දුවට එරෙහිව අභියාචනයක් ඉදිරිපත් කිරීමට තවමත් අවස්ථාව පවතී.
