කොළඹ LNW:එළඹෙන ජනාධිපතිවරණය සඳහා ශ්‍රී ලංකා නිදහස් පක්ෂයෙන් අපේක්ෂකයා ලෙස හිටපු ජනාධිපති මෛත්‍රීපාල සිරිසේන මහතා ඉදිරිපත් කිරීමට තීරණය කර තිබෙන බව ශ්‍රී ලංනිප මහ ලේකම් පාර්ලිමේන්තු මන්ත්‍රී දයාසිරි ජයසේකර මහතා පැවසුවේය.
ඒ, ඊයේ (13) පස්වරුවේ ශ්‍රී ලංකා නිදහස් පක්ෂයේ ප්‍රධාන කාර්යාලයේ දී මෛත්‍රීපාල සිරිසේන මහතාගේ ප්‍රධානත්වයෙන් පැවති සාකච්ජාවෙන් අනතුරුව මාධ්‍ය වෙත අදහස් දක්වමිනි.
”කම්කරු වෘත්තීය සමිතිත් එක්ක සාකච්ඡාවක් කරා. ශ්‍රී ලංකා නිදහස් පක්ෂය දිනාගත් කම්කරු අයිතීන් නැති කිරීමට එරෙහිව මෙහිදී සාකච්ඡා කරා පක්ෂයක් විදිහට එයට දැඩි විරෝධයක් පළ කරනවා. හෙට දිනයේ දී පාර්ලිමේන්තුවට ඉදිරිපත් කිරීමට නියමිත අලුත් කම්කරු පනත කම්කරුවා වැඩ කරන පැය ගණන 8 ,12 ලෙස වැඩ කිරීමටත්, දින ගණන පහේ සිට 4 දක්වා අඩු කිරීමටත් මෙහිදී යෝජනා වී තිබෙනවා,ඒකට අපි විරෝධය පළ කරනවා.” යනුවෙන් මන්ත්‍රීවරයා සඳහන් කළ අතර
ඉදිරි මැතිවරණයට ඉදිරිපත් වීමට කිසිදු පක්ෂයක් සමඟ සන්ධානගත නොවන බවද ඔහු අවධාරණය කළේය.
ASK
