නිදහස් දිනය වෙනුවෙන්, වෙසක් දිනය වෙනුවෙන්, පොසොන් දිනය වෙනුවෙන් යනාදී ලෙස රංජන් රාමනායකට නිදහස ලබා දෙන බවට ආණ්ඩු පාර්ශ්වයේ ප්‍රකාශ කළ දේ සහමුලින්ම ඇන්දවීමක් සහ රැවටීමක් පමණක් වී ඇති බව විපක්ෂ නායක සජිත් ප්‍රේමදාස මහතා පවසයි.
සිරගතව සිටින රංජන් රාමනායක මහතාගේ සුවදුක් සොයා බැලීමට විපක්ෂ නායකවරයා ඊයේ (15) පෙරවරුවේ වැලිකඩ සිර මැදිරියට ගිය අතර ඔහුගෙන් ජනතාවට විශේෂ පණිවිඩයක් ද රැගෙන පැමිණියේය.
ඒ අනුව, රංජන් රාමනායක මහතා වඩාත් ධෛර්යසම්පන්න ලෙස කායික සහ මානසික වශයෙන් ශක්තිමත්ව සිටින අතර සිය උසස් අධ්‍යාපන කටයුතු සාර්ථක කරගැනීමත් සමඟ වඩාත් ඵලදායි ලෙසත්, අර්ථවත් ලෙස රටට සේවය කිරීම වෙනුවෙන් හෙට දවසේත් සමගි ජන බලවේගය සමග අත්වැල් බැඳගෙන එක්ව කටයුතු කරන බවට රටට පණිවිඩයක් ලබා දෙන්නැයි රංජන් රාමනායක ඉල්ලා සිටි බවයි විපක්ෂ නායකවරයා සඳහන් කළේ.
RN
