සටහන – රෂිකා හෙන්නායක ජුනි 17 , කොළඹ (LNW):
කලටුවාව ජලාශයේ සිට මහරගම දක්වා ජලය රැගෙන එන නළයක් පුපුරා යාම හේතුවෙන් ප්රදේශ කිහිපයකට නැවත දැනුම් දෙන තුරු ජල සැපයුම අත්හිටුවා ඇති බව ජාතික ජලසම්පාදන හා ජලාපවහන මණ්ඩලය නිවේදනය කරයි.
එම මණ්ඩලය සදහන් කරන්නේ, ගොඩගම, හෝමාගම, පන්නිපිටිය, රුක්මල්ගම, පැලන්වත්ත සහ මත්තේගොඩ යන ප්රදේශවලට ජල සැපයුම අත්හිටුවන බවයි.
ලක්ෂයකට අධික නිවාස ඒකක සදහා මෙලෙස ජල සැපයුම අත්හිටුවන අතර එය යථා තත්ත්වයට පත් කිරීම හැකි ඉක්මනින් සිදුකිරීමට කටයුතු යොදා තිබෙන බව ද පැවසේ .
හයිලෙවල් මාර්ගයේ ගොඩගම මංසන්ධිය ආසන්න ප්රදේශයේ දී මෝටර් රථයක් ජල නළයක වැදී සිදුවු අනතුරකින් මෙම තත්ත්වය ඇති වී තිබෙන බව වැඩිදුරටත් තොරතුරු සඳහන් වේ.
