ජූනි 20, කොළඹ LNW :
අප රටේ කලා ක්ෂේත්රය සහ සිනමාව සුරක්ෂිත කරන්න නව වැඩපිළිවෙළක් අවශ්ය බවත් පැරණි දේ රැකගෙන සිනමා හා කලා පද්ධතිය නූතනවාදී හා නවීකරණය කිරීමට ජාතික සැලසුමක් අවශ්ය බවත් කලා සිනමා හා සන්නිවේදන ක්ෂේත්රයේ ඇතිව තිබෙන සාධනීය පරිවර්තනාත්මක වෙනස්කම් හා විපර්යාස ගැන බැලිය යුතු බවත් විපක්ෂ නායකවරයා පැවසීය.
විපක්ෂ නායක සජිත් ප්රේමදාස මහතා මේ බව කියා සිටියේ අද කොළඹ පිහිටි විපක්ෂ නායක කාර්යාලයේ දී දේශීය සිනමා ශිල්පී සංගමයේ අධ්යක්ෂකවරුන් හමුවී කලාකරුවන්ට ඇති ගැටලු ගැන සිදු කළ සාකච්ඡාව අතරතුරදී ය.
60-70 දශකවල කලා ක්ෂේත්රය 80, 90 දශකය හා ඉන් පසු වෙනස් වූ බවත් මේ කලා ක්ෂේත්රයේ පැරණිකම හා වටිනා ආයතන රැකගෙන නව අදහස්, තාක්ෂණය හා නව පද්ධති ගොඩනග පැරණිකම හා අලුත් දේ එකට එකතු කර මේ ගමන යා යුතු බවත් මේ සිනමා ක්ෂේත්රය වෙනුවෙන් නව තාක්ෂණය නව සංකල්ප සේම මූල්ය ආකර්ෂණය කර ගන්නටද කටයුතු කළ යුතු බවත් මෙහි දි පැරණි සම්පත් හා ආයතන සුරක්ෂිත කරනවා සේම මෙහි ඉදිරි ගමන රාජ්ය මැදිහත්වීම, පෞද්ගලික මැදිහත් වීම සේම රාජ්ය හා පෞද්ගලික යන කොට්ඨාස දෙකම එකට එකතු වී යන ගමනක්ද කියා සිතිය යුතු බවත් විපක්ෂ නායකවරයා පැවසීය.
මේ කලා ක්ෂේත්රයේ ප්රවර්ධනය සඳහා විශේෂිත සහන පොළියට ණය ව්යාපෘති ක්රියාත්මක කළ හැකි බවත් ණය දීම සේම මේ කලා නිර්මාණය ප්රේක්ෂකයා කරා යොමු කරන ආකාරය ගැනත් සිතිය යුතු බවත් එසේ නොවන්නේ නම් කලාකරුවා ණයකරුවකු වන බවත් යුටියුබ් නෙට්ෆිල්ස් AI වැනි අංශ සේම සාම්ප්රදායික අංශද ශක්තිමත් කරමින් මේ කලා ක්ෂේත්රය ගොඩනැංවිය යුතු බවත් විපක්ෂ නායක සජිත් ප්රේමදාස මහතා පැවසීය.
තවද මේ සම්බන්ධයෙන් සංවාද සිදු කර පොදු එකඟතාවක් කර යා යුතු බවත් දේශපාලන පාපන්දුවක් කර නොගෙන ජාතික සිනමා වැඩපිළිවෙළක් රාජ්ය හා පෞද්ගලික අංශ දෙක එකට එකතු විය යුතු බවත් මේ සම්බන්ධයෙන් පුළුල් සංවාදයක් කරා යා යුතු බවත් ඒ සඳහා විධිමත් ඉදිරිපත් කිරීමක් සඳහා සෑම පාර්ශ්වයක්ම විපක්ෂ නායක කාර්යාලය වෙත ගෙනවිත් හොද ඉදිරිපත් කිරීමක් කර සංවාදයක් ඇති කර පුළුල් වැඩපිළිවෙළක් කරා යන්න එක්වන ලෙසත් ඒ සඳහා විපක්ෂ නායක කාර්යාලයේ ශාලාව වුව ලබා දිය හැකි බවත් විපක්ෂ නායක සජිත් ප්රේමදාස මහතා පැවසීය.
