සටහන – රුවන් නෙළුගොල්ල
එක්සත් ජාතික පක්ෂයේ යාපනය දිස්ත්රික් සංවිධායක අරුන් සිද්ධාර්ත් මහතා මව්බිම ජනතා පක්ෂයට එක්ව තිබේ.
අද (22) පැවැත්වූ මාධ්ය හමුවකදී අරුන් සිද්ධාර්ථන් මහතා එම පක්ෂයට එක්වූ අතර මව්බිම ජනතා පක්ෂයේ නායක දිලිත් ජයවීර මහතා විසින් ඔහුව මව්බිම ජනතා පක්ෂයේ යාපනය දිස්ත්රික් ප්රධාන සංවිධායකවරයා ලෙසත් එම පක්ෂයේ උත්තරීතර මණ්ඩලයේ සාමාජිකයකු ලෙසත් පත් කරන ලදී.
අරුන් සිද්ධාර්ත් එක්සත් ජාතික පක්ෂයේ යාපනය දිස්ත්රික් සංවිධායකයා වශයෙන් පත්වූයේ 2024 මාර්තු 22 වනදා ය. ඒ අනුව හරියටම මාස තුනක් තුළ ඔහු එක්සත් ජාතික පක්ෂයෙන් මව්බිම ජනතා පක්ෂයට මාරු වී ඇත.
කෙසේවෙතත් ඊයේ (21) පැවති දිලිත් ජයවීර මහතාගේ පොල් රොටී දන්සලට ද අරුන් සිද්ධාර්ත් සහභාගී වී සිටින ආකාරය දැකගත හැකිවිය.
බලයේ සිටින ජනාධිපතිවරයාගේ නායකත්වයෙන් යුත් පක්ෂයේ දිස්ත්රික් සංවිධායකයෙක් වෙනත් පක්ෂයකට මාරු වීම යනු සරල කරුණක් නොවේ. විශේෂයෙන්ම ජනාධිපතිවරණයක් ආසන්නයේ එසේ මාරුවීම කොහෙත්ම සරල නැත. අරුන් සිද්ධාර්ත් වැන්නෙකු වුවත් එසේ කිරීම දේශපාලනිකව සලකා බැලිය යුතු තත්වයකි.
