සටහන – පුලී
ජූනි 24, LNW (කොළඹ):පාපන්දු ලෝකයේ කාලය නවතින්නේ නැත. නමුත් සමහර ක්‍රීඩකයන් නිසා කාලය පවා මොහොතකට නතර වී බලන්නට සිදුවේ.
ඒ නම Lionel Messi.
සිය 39 වැනි උපන්දිනය සැමරෙන මේ මොහොතේ, මෙසී නැවතත් ලෝකයට මතක් කර දුන්නේ ඔහු තවමත් සාමාන්‍ය ක්‍රීඩකයෙකු නොවන බවයි.
ඔස්ට්‍රියාවට එරෙහි තරගයේ වටිනා ගෝල දෙකක් රැස් කළ ආර්ජන්ටිනා නායකයා, ලෝක කුසලාන ඉතිහාසයේ වැඩිම ගෝල ලබාගත් ක්‍රීඩකයා බවට පත්විය.
පළමු දඬුවම් පහර අහිමි වුණා…
විවේචකයන් බලා සිටියා…
නමුත් මෙසීගේ කතාව එතැනින් අවසන් වුණේ නැහැ.
38 වැනි මිනිත්තුවේදී ඔහුගේ වම් පාදයෙන් පිටවූ එම පහර, ගෝලයක් පමණක් නොවෙයි.
එය වාර්තාවක් බිඳ දැමූ පහරක්.
තරගයේ අවසානයේ තවත් ගෝලයක් සමඟ,
ඔහුගේ නාමය ලෝක කුසලාන ඉතිහාසයේ ඉහළින්ම තැන්පත් විය.
ගෝල 18ක්!
අසංඛ්‍යාත මතක…
සහ තවමත් නිම නොවූ පුරාවෘත්තයක්.
අද ඔහුගේ උපන්දිනයයි.
නමුත් ලෝකය පුරා සිටින පාපන්දු රසිකයන්ට,
මෙය උපන්දිනයක් පමණක් නොවෙයි.
මෙය,
“Messi” කියන නම තවත් වරක් ඉතිහාසයට ලියා තැබූ දිනයයි.
“Happy Birthday, Leo Messi!”
සමහර ක්‍රීඩකයන් තරග ජයග්‍රහණය කරයි, සමහරු කුසලාන දිනයි, නමුත් Messi වැනි අය ඉතිහාසයම තමන්ගේ නමට ලියයි.
