සටහන – රුවන් නෙළුගොල්ල
මෙරට තොරතුරු තාක්ෂණ ක්ෂේත්රයේ රැකියා දස ලක්ෂයක් බිහිකිරීම උදෙසා ඩීපී එඩියුකේෂන් නිර්මාතෘ, පාර්ලිමේන්තු මන්ත්රී ධම්මික පෙරේරා මහතා විසින් ආරම්භ කර ඇති ඩීපී එඩියුකේෂන් අයිටී කැම්පස් වැඩසටහන යටතේ යාපනය දිස්ත්රික්කයේ පිහිටුවා ඇති ඩීපී එඩියුකේෂන් අයිටී කැම්පස් ශාඛාවල අධ්යාපනය ලබන සිසු සිසුවියන්ට සහතික පත් ප්රදානය කිරීමේ උත්සවය මේ වනවිට ආරම්භ වී තිබේ.
ඒ අනුව, යාපනය මුට්රවේලි ක්රීඩාංගනයේදී අද පෙරවරු 08.30 සිට ධම්මික පෙරේරා මහතාගේ ප්රධානත්වයෙන් මෙම සහතික පත් ප්රදානෝත්සවය සිදු කෙරේ. මීට යාපනය දිස්ත්රික්කයේ අයිටී කැම්පස් ශාඛා පිහිටුවීම සඳහා විශාල දායකත්වයක් ලබාදෙන “මයි ඩ්රීම් ඇකඩමි” ආයතනයේ නිර්මාතෘ, පාර්ලිමේන්තු මන්ත්රී අංගජන් රාමනාදන් මහතා ද එක්ව සිටී.
ඩීපී එඩියුකේෂන් අයිටී කැම්පස් වැඩසටහන මගින් සම්පූර්ණයෙන්ම නොමිලේ ලබාදෙන පරිගණක භාෂා පාඨමාලාවේ වටිනාකම රුපියල් ලක්ෂ 25 කි. යාපනය දිස්ත්රික්කයේ අයිටී කැම්පස් ශාඛා 09 ක සිසු සිසුවියන් මෙම පාඨමාලාවේ සම්පූර්ණ කර ඇති අදියරයන් අනුව අද (30) පිරිනැමීමට නියමිත සහතිකපත්වල වටිනාකම රුපියල් මිලියන 4,000 කි.
මෙම උත්සවය සඳහා සිසු සිසුවියන්, දෙමව්පියන්, ප්රදේශවාසීන් ඇතුළු 10,000 ක පමණ පිරිසක් සහභාගී වී සිටිති.
RN
සබැඳි පුවත් –
