ජපානයට ශ්‍රමිකයින් පිටත් කිරීමේ වැඩසටහන වේගවත් කෙරේ

රටේ ගැටලු විසඳීම සඳහා විදේශගත ශ්‍රමිකයින්ගෙන් මාසිකව ඇමරිකානු ඩොලර් මිලියන පන්සියයක් රට තුළට ගෙන්වා ගැනීමේ ඉලක්කය ඇතිව ප්‍රායෝගික වැඩසටහනක් කම්කරු හා විදේශ රැකියා අමාත්‍ය මනූෂ නානායක්කාර මහතා විසින් ක්‍රියාත්මක කර තිබේ.

ඒ අතරම ජපානය වැනි ඉහළ ආදායම් ලබාගත හැකි රටවල් සඳහා ශ්‍රමිකයින් පිටත් කිරීමේ වැඩසටහනත් වේගවත් කිරීමට කටයුතු කර ඇත.

ජපානයේ සාත්තු සේවක රැකියා සඳහා පුහුණුව ලැබූ පස් දෙනෙකු වෙනුවෙන් ඊයේ දිනයේදී (29) ගුවන් ටිකට්පත් ප්‍රදානය කෙරිණ.

ඊයේ සිට තවත් විසි දෙදෙනෙකුගේ යුත් කණ්ඩායමක් ජපානයේ රැකියා සඳහා පිටත්ව යාමට පුහුණුව ලැබීම ආරම්භ කර ඇති අතර ලබන 20 වැනිදා පිටත්ව යන එම කණ්ඩායමට සාත්තු සේවක ක්ෂේත්‍රයේ ශ්‍රමිකයින් 8 දෙනෙක් සහ ඉදිකිරීම් ක්ෂේත්‍රයේ ශ්‍රමිකයින් 14 දෙනෙක් ඇතුළත් වේ.

ශ්‍රී ලංකා විදේශ සේවා නියුක්ති කාර්යාංශයේ මැදිහත්වීම මත ජපන් රැකියා සඳහා ශ්‍රමිකයින් පිටත් කර යවන අතර එසේ යැවෙන ජපාන රැකියා අපේක්ෂිතයින් කිසිම අවස්ථාවක දී අතරමැදියන්ට මුදල් ගෙවීමට අවශ්‍ය නැති බව අමාත්‍යවරයා අවධාරණය කරයි.

RN

Share post:

spot_imgspot_img

Popular

More like this
Related

Avengers: Doomsday බලන්න යනවා ද? නැරඹීමට පෙර මෙය කියවන්න!

Avengers: Doomsday බලන්න යනවා ද? නැරඹීමට පෙර මෙය කියවන්න!

සජබ වෘත්තීය සමිති නායක ආනන්ද පාලිත CCIB අත්අඩංගුවට !

සමගි ජන බලවේගයේ වෘත්තීය සමිති නායකයකු වන ආනන්ද පාලිත...

අයවැයෙන් පසු දෙවැනි දිනටත් කොටස් වෙළඳපොලේ මිල දර්ශක පල්ලම් බහී

කොළඹ කොටස් වෙළෙඳපොළ මිල දර්ශකවල කැපීපෙනෙන පහළ යාමක් අද...

අනුරාධපුර පූජා භූමි සැලැස්ම ගැන වැඩබලන අටමස්ථානාධිපති හිමි කතා කරයි – ඉල්ලීමකුත් කරයි!

ආශිකා බ්‍රාහ්මණ කොළඹ LNW:යෝජිත අනුරාධපුර පූජා භූමි සංවර්ධන සැලැස්ම කඩාකප්පල්...