සටහන – රුවන් නෙළුගොල්ල
ඇමරිකානු ජනාධිපති ඩොනල්ඩ් ට්‍රම්ප් විසින් පනවා ඇති දැඩි තීරුබදු පිළිබඳ ඔවුන් සමග සාකච්ඡා පවත්වන ආසියානු කලාපයේ එකම රට ශ්‍රී ලංකාව බව කම්කරු අමාත්‍ය හා ආර්ථික සංවර්ධන නියෝජ්‍ය අමාත්‍ය මහාචාර්ය අනිල් ජයන්ත ප්‍රනාන්දු පවසයි.
“චෝදනාවක් කළා අපි මැදිහත් වුණේ නෑ කියලා මේ ඇමරිකානු බදු සම්බන්ධයෙන්. ඇත්තටම කියන්න කණගාටුයි තොරතුරු නැතිව තමයි මේ චෝදනා ඉදිරිපත් කරන්නෙ. මේ වෙනකොට ආසියානු කලාපයෙන් අපි පමණයි එකම රට ඇමරිකා එක්සත් ජනපදයත් එක්ක ද්විපාර්ශ්වික ගනුදෙනුවෙන් මේ බදු සහනය ලබාගැනීමේ සාකච්ඡාවෙ ඉන්නෙ. අපට දැනට තියෙන තොරතුරු අනුව ඉතාමත් වාසිදායක තත්වයකින් ඒ කටයුතු අවසාන කරගන්න පුළුවන් වෙයි කියලා හිතනවා”
අනිල් ජයන්ත අමාත්‍යවරයා මේ බව පැවසුවේ ඊයේ (ජුනි 30) පැවති විශේෂ පාර්ලිමේන්තු රැස්වීමේදී ය.
