ශ්‍රී ලංකාව ලෝකයේම අවධානයට…! මීගමුව බන්ධනාගාරයේ ලේ වැගිරීම ජාත්‍යන්තර මාධ්‍යවල ප්‍රධාන සිරස්තලයක් වෙයි

සටහන – පුලී

ජූලි 06, LNW (කොළඹ): මීගමුව බන්ධනාගාරයේ සිදුවූ දරුණු ගැටුමක් හේතුවෙන් ශ්‍රී ලංකාව අද ජාත්‍යන්තර මාධ්‍යවල දැඩි අවධානයට ලක්ව තිබේ.

බ්‍රිතාන්‍යයේ Sky News ඇතුළු ප්‍රධාන ජාත්‍යන්තර මාධ්‍ය වාර්තා කළේ, බන්ධනාගාර රැඳවියන් අතර ඇති වූ ප්‍රචණ්ඩ ගැටුමකින් අවම වශයෙන් 25 දෙනෙකු ජීවිතක්ෂයට පත්ව ඇති අතර, 100කට අධික පිරිසක් තුවාල ලබා ඇති බවයි.

වාර්තාවලට අනුව, මියගිය පිරිස අතර බන්ධනාගාර නිලධාරීන් ද සිටින බව සඳහන් වන අතර, තුවාල ලැබූවන් රෝහල් කිහිපයක ප්‍රතිකාර ලබමින් සිටින බව ද විදෙස් මාධ්‍ය වාර්තා කරයි.

Sky News වාර්තාවට අනුව, ගැටුම ආරම්භ වූ නිශ්චිත හේතුව මෙතෙක් අනාවරණය වී නොමැති අතර, සති අන්තයේ ආරම්භ වූ මෙම ප්‍රචණ්ඩකාරී තත්ත්වය සඳුදා දක්වාම පැවති බව සඳහන් වේ.

බන්ධනාගාර මාධ්‍ය ප්‍රකාශක AC Gajanayake ප්‍රකාශ කර ඇත්තේ, රැඳවියන් අතර ගැටුමක් හටගත් අවස්ථාවේ එය පාලනය කිරීමට උත්සාහ කළ බන්ධනාගාර නිලධාරීන්ට ද රැඳවියන් ප්‍රහාර එල්ල කළ බවයි.

මෙම සිද්ධිය සම්බන්ධයෙන් මියගිය සහ තුවාල ලැබූ පිරිස පිළිබඳ නිශ්චිත තොරතුරු තහවුරු කිරීමේ කටයුතු තවදුරටත් සිදුවෙමින් පවතින අතර, සිද්ධියට හේතුව සොයා බලමින් පුළුල් විමර්ශනයක් ආරම්භ කර ඇති බව බලධාරීන් පවසයි.

මෙම ප්‍රචණ්ඩ සිදුවීමත් සමඟ ශ්‍රී ලංකාවේ බන්ධනාගාර ආරක්ෂාව, රැඳවියන්ගේ කළමනාකරණය සහ ආරක්ෂක ක්‍රියාමාර්ග පිළිබඳව ජාත්‍යන්තර අවධානය යළිත් යොමුව ඇති බව විදෙස් මාධ්‍ය පෙන්වා දෙයි.

Share post:

spot_imgspot_img

Popular

More like this
Related

Takata නිෂ්පාදිත වල දෝෂයක්: ටොයෝටා වාහන නැවත කැඳවයි!

රෂිකා හෙන්නායක නොවැම්බර් 20, කොළඹ LNW: ටොයෝටා සමාගම විසින් ඇමරිකා...

අයවැය දෙවන වර කියවීම වැඩි ජන්ද 97කින් සම්මතයි!

ආශිකා බ්‍රාහ්මණ කොළඹ LNW:2027 අයවැය දෙවන වර කියවීම වැඩි ඡන්ද...

යාපනයේ වායු දුෂණය අධිකරණයේ නඩුකරයක් දක්වාම එයි!

ආශිකා බ්‍රාහ්මණකොළඹ LNW:මේ දිනවල යාපනයේ වායු දුෂණය සම්බන්ධයෙන් විශේෂ...

මේ වසරේ මෙතෙක් සංචාරක පැමිණීම් ලක්ෂ 20 ඉක්මවයි

සටහන - රුවන් නෙළුගොල්ල 2026 වසරේ මෙතෙක් මෙරටට පැමිණි සංචාරකයින්...