විදෙස් ගමන් බලපත්ර අයදුම් කිරීම සඳහා හඳුන්වා දුන් නව මාර්ගගත (Online) ක්රමවේදය අතිසාර්ථක ලෙස ක්රියාත්මක වන බව මහජන ආරක්ෂක අමාත්ය ටිරාන් අලස් මහතා පවසයි.
පසුගිය ජුනි 15 වනදා සිට දිවයින පුරා ප්රාදේශීය ලේකම් කාර්යාල 51ක් හරහා මෙම නව ක්රමවේදය ක්රියාවට නැංවුණු අතර එදින සිට ගතවූ මාසයක කාලය තුළ මේ ඔස්සේ පුද්ගලයින් 29,579ක් සිය විදෙස් ගමන් බලපත්ර අයදුම් කර ඇති බවයි අමාත්යවරයා සඳහන් කළේ.
ඒ අතරින් 5,294 දෙනෙකු එක්දින සේවය සඳහාත් 24,285 දෙනෙකු සාමාන්ය සේවය සඳහාත් අයදුම්පත් ඉදිරිපත් කර තිබුණු බවත් අමාත්යවරයා පැවසීය.
අයදුම්කරුවන් සිය ලියාපදිංචි කිරීම් සඳහා, නම් කර ඇති ප්රාදේශීය ලේකම් කාර්යාල 51න් ඕනෑම ස්ථානයකට පැමිණීම අවශ්ය බව පෙන්වා දුන් අමාත්යවරයා අන්තර්ජාලය හරහා හෝ ලංකා බැංකුවේ ශාඛාවකට පැමිණීමෙන් අදාළ ගෙවීම් සිදු කළ හැකි බවත් පෙන්වා දුන්නේය.
මෙම ඔන්ලයින් ක්රමවේදය ක්රියාත්මක කිරීම නිසා එතෙක් බත්තරමුල්ල, ආගමන විගමන දෙපාර්තමේන්තු කාර්යාලය ඉදිරිපිට තිබුණු දීර්ඝ පෝලිම් ද අවසන් වී ඇති බවත් අමාත්ය ටිරාන් අලස් මහතා වැඩිදුරටත් ප්රකාශ කළේය.
RN
පෙර පුවත් –
