සටහන – රුවන් නෙළුගොල්ල
විපක්ෂ නායක සජිත් ප්‍රේමදාස මහතා විසින් කරන ලද ආරාධනයක් අනුව විපක්ෂයේ සියලු දේශපාලන පක්ෂ නායකයින් අද (23) පස්වරුවේ විශේෂ සාකච්ඡාවක නිරත වීමට නියමිතව තිබේ.
මෙහිදී විනිසුරුවරුන්ගේ විශ්‍රාම වයස දීර්ඝ කිරීමට රජය ඉදිරිපත් කර ඇති යෝජනාව සම්බන්ධයෙන් අවධානය යොමුකිරීමට නියමිත ය.
සමගි ජන බලවේගයේ මහලේකම් පාර්ලිමේන්තු මන්ත්‍රී රංජිත් මද්දුම බණ්ඩාර මහතා සඳහන් කළේ, රටේ ප්‍රජාතන්ත්‍රවාදයට එරෙහිව රජය කටයුතු කිරීම නිසාවෙන් අධිකරණ පද්ධතියේ ස්වාධීනත්වය හා නීතියේ ආධිපත්‍ය සුරැකීම වෙනුවෙන් මෙම සාකච්ඡාව පැවැත්වීමට තීරණය කළ බවයි.
