Tuesday, August 16, 2022
spot_img
spot_img

Latest Posts

ජනපති රනිල් හිටපු ජනපති මෛත්‍රීගේ නිවසට ?

හිටපු ජනාධිපති මෛත්‍රීපාල සිරිසේන මහතා පදිංචිව සිටි කොළඹ, පැජට් පාරේ පිහිටි නිල නිවස ජනාධිපති රනිල් වික්‍රමසිංහ මහතාගේ පදිංචිය සඳහා ලබාදීමට කටයුතු කෙරෙමින් පවතින බව වාර්තා වේ.

ජනාධිපති මන්දිරය සහ අරලියගහ මන්දිරය යන දෙකම අරගලකරුවන් විසින් භාරදීමෙන් පසු, මේ වනවිට නීතිමය කටයුතු සිදුකෙරෙන බැවින් සහ ඒවායේ විශාල අළුත්වැඩියාවන් සිදුකිරීමට සිදුව ඇති බැවින් නව ජනාධිපතිවරයාට නිල නිවෙසක් නොමැති තත්වය මත මෙසේ පැජට් පාරේ නිවස ඒ සඳහා ලබාගැනීමට නියමිත බව සඳහන්.

ජනාධිපති රනිල් වික්‍රමසිංහ මහතාගේ පෞද්ගලික නිවස ද පසුගිය 13 වනදා පැවති විරෝධතා අතරතුර ගිනිතැබීමට ලක්විය.

පැජට් පාරේ පිහිටි නිල නිවස, මෛත්‍රීපාල සිරිසේන මහතා ජනාධිපතිවරයාව සිටියදී අමාත්‍ය නිලනිවාස ඒකක දෙකක් එකතුකර ජනාධිපතිවරයකුගේ භාවිත වෙනුවෙන් විශේෂ පහසුකම් සහිතව විශාල පිරිවැයක් දරා නවීකරණය කරන ලද නිල නිවසක් වන අතර සිරිසේන මහතා ජනාධිපති ධුරයෙන් ඉවත්වීමෙන් පසුවත් එම නිල නිවසේම රැඳී සිටි නමුත් අධිකරණ නියෝගයක් මත මීට මාස දෙකකට පමණ පෙර ඒ මහතාට එම නිවසෙන් ඉවත් වීමට සිදුවිය.

ඒ අනුව එම නිලනිවස රනිල් වික්‍රමසිංහ මහතාට ලබාදීමට කටයුතු සම්පාදනය කෙරෙමින් පවතින බවයි ආරංචිමාර්ග සඳහන් කළේ.

RN

Latest Posts

spot_img

Don't Miss

Stay in touch

To be updated with all the latest news, offers and special announcements.