ස්වාධීන රූපවාහිනී මාධ්‍ය ජාලයේ නව සභාපතිවරයා ලෙස ජ්‍යෙෂ්ඨ නීතිඥ සුදර්ශන ගුණවර්ධන මහතා අද (28) වැඩ භාර ගැනීම සිදු විය.
සාමාන්‍යාධිකාරී අරුණ විජේසිංහ මහතා ඇතුළු ඉහළ කළමනාකාරීත්වය විසින් ස්වාධීන රූපවාහිනි පරිශ්‍රයට පැමිණි නව සභාපතිවරයා පිළිගනු ලැබ තිබුණි.
මීට දින කිහිපයකට පෙරම ඔහුගේ නම එකී තනතුර සඳහා යෝජනා වී තිබුණු අතර මාධ්‍ය ක්ෂේත්‍රය තුළ පරිපාලන නිලධාරියෙකු ලෙස සේවය කර තිබෙන සුදර්ශන ගුණවර්ධන මහතා යහපාලන ආණ්ඩු කාලය තුළද සක්‍රීයව එම කටයුතු වල නිරත වූ තැනැත්තෙකි.
යහපාලන ආණ්ඩුව සමයේ රජයේ ප්‍රවෘත්ති අධ්‍යක්ෂ ජනරාල්වරයා ලෙස ඔහු සේවය කරන ලදී.
මේ අතර ගුණවර්ධන මහතා ගුවන් විදුලි සංස්ථාවේ සභාපති ධූරයේද කටයුතු කර තිබේ.
