සටහන – පුන්සරා ලියනගේ
ජූලි 31,(ලෝකය) අවුට්බවුන්ඩ් ටුඩේ: දකුණු ඉන්දියාවේ කේරළ ප්‍රාන්තයට බලපෑ දැවැන්ත නායයෑම්වලින් මියගිය සංඛ්‍යාව මේ වන විට 166 ඉක්මවා ඇති අතර, 192 කට වැඩි පිරිසක් තවමත් අතුරුදන්ව සිටින බව බලධාරීහු පවසති.
කඩා වැටුණු වහලවල් යට සහ විනාශ වූ නිවාසවල සුන්බුන් යටතේ දිවි ගලවා ගත හැකි අය සිටිනවා ඇතිදැයි සොයමින් සිටින බව ගලවා ගැනීමේ නිළධාරීන් පවසා සිටී.
ඉකුත් අඟහරුවාදා අලුයම ප්‍රදේශය හරහා ගලා ගිය මඩ සහ ජල ධාරා, නිවාස සමතලා කර ගස් උදුරා දමා විපත්ති රාශියක් ඇති කර තිබේ.
ප්‍රදේශයට දැඩි වර්ෂාපතනයක් පවතින අතර, මුදා ගැනීමේ මෙහෙයුම්වලට බාධා එල්ල වී තිබේ.
