කොළඹ LNW:රට හදන්න හැකියාව ඇත්තේ රනිල් වික්‍රමසිංහ මහතාට පමණක් වන අතර ලබන ජනාධිපතිවරණදී රනිල් වික්‍රමසිංහ මහතාගේ ජයග්‍රහණය තහවුරු කිරීමට දැන් සිටම සියලු දෙනා එකමුතුව කටයුතු කළ යුතු බව එක්සත් ජාතික පක්ෂයේ නියෝජ්‍ය නායක රුවන් විජේවර්ධන මහතා පවසයි.
රාජ්‍ය නායකයින් සමඟ මුහුණට මුහුණ සාකච්ජා කරමින් රටට අවශ්‍ය දේ කරගැනීමට හැකියාව ඇත්තේ රනිල් ජනාධිපතිතුමන්ට පමණක් බවයි විජේවර්ධන මහතා සඳහන් කරන්නේ.
රට නිවැරදි තැනට ගෙනඑමින් ආර්ථික ප්‍රශ්න වලට විසඳුම් දිය හැක්කේ වික්‍රමසිංහ මහතාට වන බව හෙතෙම කියාසිටියි.
ඒ අනුව ලබන වසරේදී ජනාධිපතිවරය,මහමැතිවරණය සහ පළාත් සභා මැතිවරණය පැමිණිය හැකි හෙයින් ඊට සියලු දෙන සූදානම් වන ලෙස විජේවර්ධන මහතා පවසයි.
වික්‍රමසිංහ මහතාගේ සංවර්ධන වැඩපිළිවෙල ඉදිරියට ගෙන යාමට නම් පාර්ලිමේන්තුවේද එක්සත් ජාතික පක්ෂය මූලිකත්වය තිබෙන බලයක් අත්පත්කරගත යුතු බවද හෙතෙම අවධාරණය කරයි.
විජේවර්ධන මහතා මෙම අදහස් පළකළේ ඊයේ (30) පස්වරුවේ එක්සත් ජාතික පක්ෂයේ කඩුවෙල ආසන බල මණ්ඩල රැස්වීම අමතමිනි.
ASK
