සර්ව පාක්ෂික වැඩපිළිවෙලක් වෙනුවෙන් ජනධිපතිවරයා කර තිබෙන ආරාධනය අනුව එම සාකච්ජාවට තමන්ද යන අතර පිළිගත හැකි වැඩපිළිවෙලක් ක්‍රියාත්මක කිරීම සඳහා තම ස්ථාවරය දැඩිව ප්‍රකාශ කරන බව සමඟි ජන බලවේගයේ පාර්ලිමේන්තු මන්ත්‍රී ෆීල්ඩ් මාෂල් සරත් ෆොන්සේකා මහතා පැවසුවේය.
මන්ත්‍රීවරයා මේ බව සඳහන් කළේ අද (05) බන්ධනාගාර ගත කර කර සිටින අරගලකරුවන් හමුවීමෙන් අනතුරුව මාධ්‍ය වෙත අදහස් දක්වමිනි.
ඒ අනුව හදිසි නීතිය ඉවත් කළ යුතු බවත්,මර්දනය නතර කළ යුතු බවත්,අරගලයට සම්බන්ධව සිටි දැනට අත්අඩංගුවේ පසුවන සියලු දෙනා නිදහස් කළ යුතු බවත් තමන් ජනාධිපතිවරයාට පැහැදිලිව ප්‍රකාශ කරන බවයි ෆොන්සේකා මහතා කියාසිටියේ.
එමෙන්ම රට වෙනුවෙන් නිසි වැඩපිළිවෙලක් ක්‍රියාත්මක කෙරෙන බවට වැටහුනොත් පමණක් ඊට සහය දෙන බව මෙහිදී මන්ත්‍රීවරයා සඳහන් කරන ලදී.
ASK
