සටහන: සශිකලා මධුෂාණි
අගෝස්තු 06; ලෝකය(අවුට්බවුන්ඩ් ටුඩේ): ඉන්දියාවේ හිමාල ප්‍රදේශයෙන් උත්තරාකන්ඩ් ප්‍රාන්තයේ ධරාලි සංචාරක කලාපයේ ඇතිවූ හදිසි මඩ සහිත ගංවතුර තත්වයක් හේතුවෙන් සිවු දෙනෙකු මියගොස් 100 දෙනෙකු අතුරුදන්ව ඇති බව වාර්තා වේ.
ඉන්දීය හමුදාව ගලවා ගැනීමේ මෙහෙයුම් සිදුකරන අතර 20 දෙනෙකු පමණ බේරාගෙන තිබේ.
මරණ සංඛ්‍යාව තව දුරටත් ඉහල යා හැකි බවට විශ්වාස කරන අතර නගරයේ කොටසක් ගැඹුරු සුන්බුන් වලින් වැසී ඇති අතර ඇතැම් ස්ථානවල නිවාසවල වහලවල් මත මඩ ගසාගෙන ගොස් ඇත තිබේ.
මෙම ප්‍රදේශයෙන් ගංවතුර සහ නායයෑම් බහුලව දක්නට ලැබෙන අතර පවතින අධික වර්ෂාව හේතුවෙන් ඉන්දීය කාලගුණ විද්‍යා දෙපාර්තමේන්තුව එම ප්‍රදේශය සඳහා රතු අනතුරු ඇඟවීමක් නිකුත් කර තිබිණ.
අනතුරට පත් පුද්ගලයන් වෙනුවෙන් අගමැති නරේන්ද්‍ර මෝදි මහතා සිය ශෝකය ප්‍රකශ කර ඇති අතර විපතට පත් වුවන් බේරා ගැනීම සඳහා සියලු පියවර අනුගමනය කරන ලෙස ආරක්ෂක අංශ දැනුවත් කර ඇති බව එරට මාධ්‍ය වාර්තා කර ඇත.
