Monday, September 26, 2022
spot_img
spot_img

Latest Posts

කාන්තාවන්ට ජාත්‍යන්තර වේලාවන් අනුව සේවය කිරීමට තිබූ නෛතික බාධා ඉවතට

තොරතුරු තාක්ෂණය පදනම් කර ගත් රැකියාවන්හි නියුතු කාන්තාවන් හට ජාත්‍යන්තර වේලාවන් අනුව සේවය කරමින් රාත්‍රී සේවයේ නියුතු වීමට අවකාශය සැලසෙන පරිදි 1954 අංක 19 දරණ සාප්පු හා කාර්යාලයීය සේවකයන් පිළිබද (සේවය හා වේතන විධිමත් කිරීමේ) පනත සංශෝධනය කිරීම පිණිස කම්කරු හා විදෙස් රැකියා අමාත්‍ය මනූෂ නානායක්කාර මහතා විසින් ඉදිරිපත් කළ යෝජනාවට කැබිනට් අනුමැතිය හිමි වී තිබේ.

ඒ අනුව තොරතුරු තාක්ෂණය පදනම් කරගත් ව්‍යාපාර, දැනුම් සහ ව්‍යාපාර ක්‍රියාවලිය බාහිරින් සපයා ගැනීමේ ආයතන, විදේශයන්හි පිහිටි ව්‍යාපාර ආයතනවල ගිණුම්, පරිපාලන සහ තාක්ෂණික කටයුතු සිදුකරන කාර්යාල ඇතුළු ආයතනයන්හි සේවයේ නියුතු සේවිකාවන් හට රාත්‍රී සේවයේ නියුක්ත වීමේ දී මෙතෙක් පැවැති නෛතික සීමාවන් සංශෝධනය කර තිබේ. එමගින් වයස අවුරුදු දහ අට සම්පූර්ණ කර ඇති ඉහත සදහන් ක්ෂේත්‍රයන්හි රැකියාවන්හි නියුතු සේවිකාවන් උදෑසන 6.00ට පෙර හෝ සවස 6.00න් පසුව ද සේවයේ නියුක්ත කළ හැකි වේ.

පැවති නෛතික තත්ත්වය තුළ වයස අවුරුදු දහ අටකට වැඩි කාන්තාවකට පස්වරු 8.00 දක්වා සේවය කිරීමට අවසර තිබූ අතර, ගුවන්තොටුපළ, හෝටල්, භෝජනාගාර, සමාජ ශාලා වැනි සීමිත පරාසයක පමණක් රාත්‍රී සේවයේ යෙදීමට සීමිත අවකාශයක් තිබුණි. මෙමගින් කාන්තා සේවිකාවන් රාත්‍රී සේවයේ යෙදවීමට කම්කරු නීතියේ පැවැති නෛතික බාධා ඉවත් කෙරෙන අතර, එමගින් මෙරට ශ්‍රම බලකායේ කාන්තා සභභාගීත්වය තවදුරටත් වර්ධනය වනු ඇතැයි ද අපේක්ෂා කෙරේ.

RN

Latest Posts

spot_img

Don't Miss

Stay in touch

To be updated with all the latest news, offers and special announcements.