සටහන – රුවන් නෙළුගොල්ල
නීති හදන තැන වන පාර්ලිමේන්තුව තුළ වයස අවුරුදු 80 ටත් වැඩි අයට මන්ත්රී ධුර දැරිය හැකි නම් අධිකරණ විනිසුරුවරුන්ගේ විශ්රාම යාමේ වයස අවුරුදු 67 දක්වා දීර්ඝ කිරීම ගැටලුවක් වන්නේ කෙසේදැයි කෘෂිකර්ම හා පශූ සම්පත් නියෝජ්ය අමාත්ය නාමල් කරුණාරත්න මහතා ප්රශ්න කරයි.
“නීති හදන තැන පාර්ලිමේන්තුව. නීතිය පසිඳලන, ක්රියාත්මක කරන තැන අධිකරණය. නීති හදන තැන ඉන්න පුළුවන් නම් අවුරුදු 80 පැනපු කට්ටියට, රෝද පුටුවෙන් යන කට්ටියටත් නීති හදන තැන ඉන්න පුළුවන් නම්, නීතිය පසිඳලන ආයතනවල එතකොට මේක ප්රශ්නයක් කරගන්නෙ කොහොමද ?”
නාමල් කරුණාරත්න නියෝජ්ය අමාත්යවරයා මේ බව පැවසුවේ ඊයේ (14) පැවති වැඩසටහනකින් අනතුරුව මාධ්ය වෙත අදහස් දක්වමිනි.
