පාර්ලිමේන්තුව නියෝජනය නොකරන ලියාපදිංචි දේශපාලන පක්ෂ නියෝජිතයන් සමග විශේෂ සාකච්ඡාවක් පැවැත්වීමට මැතිවරණ කොමිසම තීරණය කර තිබෙනවා. මැතිවරණ ක්‍රමයේ සිදු කළයුතු සංශෝධන සම්බන්ධයෙන් සාකච්ඡා කිරීම මෙහි අරමුණයි.
ලබන 23 වැනිදා මෙම සාකච්ඡාව පැවැත්වෙන අතර දේශපාලන පක්ෂ නියෝජිතයන්ට අමතරව මැතිවරණ නිරීක්ෂණ සංවිධානද මෙම සාකච්ඡාව සහභාගි වන බවයි මැතිවරණ කොමිසමේ සභාපති නිමල් ජී. පුංචිහේවා මහතා පවසන්නේ.
මැතිවරණ නීති ප්‍රතිසංස්කරණ පිළිබඳ පාර්ලිමේන්තු කාරක සභාව විසින් යෝජනා කර ඇති සංශෝධන පිළිබඳව මෙම සාකච්ඡාවේදී දේශපාලන පක්ෂ දැනුවත් කිරීමට නියමිත අතර ඒ සම්බන්ධයෙන් දේශපාලන පක්ෂවල යෝජනා ලබා ගැනීමටද මැතිවරණ කොමිසම අදහස් කරගෙන තිබෙනවා.
මෙම සංශෝධන සම්බන්ධයෙන් පාර්ලිමේන්තුව නියෝජනය කරන දේශපාලන පක්ෂ නියෝජිතයන් සමග සාකච්ඡාවක් පසුගියදා පැවැත්විණි.
UN
