සටහන – රෂිකා හෙන්නායක
කොළඹ (LNW):දේවගැති ජෙරම් ප්‍රනාන්දුගේ දෙමාපියෝ අද (18) සමාව අයැද සිටියේ රාමඤ්ඤ මහා නිකායේ සංඝ මූලස්ථානයට පැමිණ පූජ්‍ය ඔමල්පේ සෝභිත හිමියන් බැහැදකිමිනි. ඒ සිය පුත්‍රයා ආගමික අසමගියක් ඇතිවන ආකාරයේ ප්‍රකාශ සිදුකිරීම සම්බන්ධයෙනි.
කොළඹ කොටුව මහේස්ත්‍රාත් අධිකරණය විසින් ඔහුට විදෙස් ගමන් තහනමක් ද පනවා ඇති පසුබිම මත වුවද, දේවගැති ජෙරම් ප්‍රනාන්දු මේ වන විටත් සිටින්නේ රටින් පිටව වන අතර ඔහුට ආගමික අසමගියක් ඇතිවන ආකාරයේ ප්‍රකාශ සිදුකිරීම සම්බන්ධයෙන් චෝදනා එල්ල වී ඇත.
එමෙන්ම ජනාධිපතිවරයාගේ ද උපදෙස් පරිදි අපරාධ පරීක්ෂණ දෙපාර්තමේන්තුව දේවගැතිවරයා සම්බන්ධයෙන් මේ වන විටත් විමර්ශන සිදුකරමින් සිටින බව වාර්තා වේ.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
